БҚО да 4 мыңнан астам ірі қара союға жіберілді

Батыс Қазақстан облысының ветеринария басқармасының мәлімдеуінше, жылына екі рет 12 айдан асқан мал бруцеллезге тексеріледі. Жыл басынан бері 666,8 мың бас ірі қара мал зерттеліп, оның 4 942-сі ауру деп танылған. Ал ұсақ малдың 1 124,2 мың басы тексеріліп, 1 203-і оң нәтиже көрсеткен. Бұл туралы Мой Город басылымы жазды.

"Соңғы жеті жылда аурудың деңгейі төмендеп келеді. 2021 жылы 6 490 бас ірі қара мал бруцеллезбен ауырса, 2022 жылы — 5 045, ал 2023 жылы — 4 141 бас анықталған. Ауру мал облыстағы алты арнайы ұйымға санитарлық союға жіберіледі. Бүгінгі күнге дейін 4 316 бас ірі қара мал және 991 бас ұсақ мал бруцеллезге шалдыққаны үшін санитарлық союға өткізілді", — деп хабарлады басқарма.

Сондай-ақ бруцеллезден зардап шеккен 329 бас ұсақ малдан алынған ет өнімдері үшін 5 498,3 мың теңге өтемақы төленгені атап өтілді.