«Біздің тарихымыз тек нәубет пен азаптан тұрмайды»: Тоқаев тарихты бұрмаламауға шақырды

Астанада бірінші шақырылымдағы бір палаталы Құрылтайдың беташар сессиясы өз жұмысын бастады. Жиынға мемлекет басшысы Қасым-Жомарт Тоқаев қатысып, елдің өткені мен болашағына қатысты ең маңызды мәлімдемелердің бірін жасады.

Президент өз сөзінде: «Біздің төл тарихымыз пен әдебиетіміз шет-шегі жоқ нәубет пен азапқа толы жылдардың жылнамасы емес», – деп айтты. 

Мемлекет басшысының сөзінше, тарихи деректерді бұрмалау ұлт болашағына балта шабады. Қазақ шежіресін тек қайғы-қасірет пен нәубеттердің жиынтығы ретінде көрсету - үлкен қателік. Өткен күннің өткелдерін уақытша сәтсіздіктермен шектемей, ондағы ұлы жеңістер мен жетістіктерді де әділ бағалау қажет.

Тоқаев тарихты біржақты немесе өкпе-ренішке сүйеніп емес, тек мемлекеттік мүдде мен шынайылық тұрғысынан жазу керектігін баса айтты. Бұл қадам ең алдымен келешек ұрпақтың санасын уламай, өскелең жастардың тарихи танымын дұрыс қалыптастыру үшін ауадай қажет.