Биыл елімізде қандай автожолдар ақылы болады

«ҚазАвтоЖол» басқарма төрағасы Дархан Иманашевтің мәліметінше, биыл елде тағы алты автожол учаскесінде ақылы жүйе енгізу жоспарланып отыр.

Қазір Қазақстанда жалпы ұзындығы 4,9 мың шақырымды құрайтын 26 ақылы жол учаскесі жұмыс істейді. 2026 жылы бұл тізімге келесі бағыттар қосылуы мүмкін:

– Қарағанды – Балқаш – Бурылбайтал (554,6 км);
– Бурылбайтал – Күрті(226,4 км);
– Ақтөбе – Қандыағаш – Мақат (89 км);
– Талдықорған – Өскемен (773 км);
– Атырау – Астрахань (277 км);
– Мерке – Шу – Бурылбайтал (78 км).

Бұған дейін Көлік министрлігі республикалық маңызы бар кейбір жол учаскесін ақылы негізде пайдалану туралы бұйрық жобаларын жариялаған. Құжаттарға сәйкес, Балқаш – Бурылбайтал бағытындағы 645 шақырым жолда да ақы алу көзделіп отыр.

Жеңіл көлік жүргізушілері үшін айлық және жылдық абонемент рәсімдеу мүмкіндігі қарастырылмақ.