Биыл бала күтіміне 631 млрд теңгеден астам жәрдемақы төленді

2025 жылдың басынан бері Қазақстанда бала туу мен күтіміне байланысты мемлекеттік жәрдемақыларға 631 миллиард теңгеден астам қаржы бөлінді. Бұл жөнінде Еңбек және халықты әлеуметтік қорғау министрлігі хабарлады.

Министрліктің дерегінше, оның ішінде 46,5 миллиард теңге бала тууға арналған біржолғы төлемдерге бағытталған. Бұл көмекті 257,5 мыңнан астам адам алған. Тек қыркүйек айында ғана 26,7 мың отбасы жалпы сомасы 4,8 миллиард теңге жәрдемақы алған.

Биыл бала тууға төленетін біржолғы жәрдемақы көлемі:
🔹 бірінші, екінші және үшінші балаға – 38 АЕК немесе 149 416 теңге;
🔹 төртінші және одан көп балаға – 63 АЕК немесе 247 716 теңге.

Ал бала 1,5 жасқа толғанға дейінгі күтіміне берілетін ай сайынғы жәрдемақы мөлшері:
🔹 бірінші балаға – 5,76 АЕК (22 648 теңге);
🔹 екінші балаға – 6,81 АЕК (26 777 теңге);
🔹 үшінші балаға – 7,85 АЕК (30 866 теңге);
🔹 төртінші және одан көп балаға – 8,90 АЕК (34 995 теңге).