Біріңғай уақыт белдеуіне көшу қазақстандықтардың өміріне кері әсер етпеген – зерттеу нәтижесі

Біріңғай уақыт белдеуіне көшу халықтың өмір сүруіне кері әсерін тигізбеген. Бұл туралы Сауда және интеграция министрі Арман Шаққалиев үкімет жүргізген зерттеу нәтижелеріне сілтеме жасай отырып мәлімдеді.

"Зерттеу нәтижелері көрсеткендей, уақыт белдеуінің өзгеруі халықтың негізгі өмірлік көрсеткіштеріне кері әсер етпеген", – деді Шаққалиев.

Депутаттар Шығыс Қазақстан облысының тәжірибесі негізінде жұмыс кестесін өзгерту бастамасын қолдады. Атап айтқанда, кейбір аудандарда жұмыс күні сағат 8:00-ден 17:30-ға дейін белгіленген.

"Бұл шаралар кәсіби және жеке өмір арасындағы тепе-теңдікті жақсартуға және азаматтар үшін жайлы жағдай жасауға бағытталған. Қажет болған жағдайда бұл тәжірибе басқа өңірлерде де қолданылады," – деді министр.

Зерттеу барысында медицина, нейроғылым, биофизика, генетика, астрофизика және физиология салаларының мамандары мен мәслихат депутаттары қатысты.

Үкімет зерттеуді жан-жақты тәсіл арқылы жүргізген:

• Денсаулыққа әсері;
• Энергия тұтыну;
• Жұмыс өнімділігі;
• Оқушылардың үлгерімі;
• Жол қозғалысындағы өзгерістер.

"Біз 40-тан астам көрсеткіш пен метрика негізінде халық денсаулығына, энергия тұтынуға, еңбек өнімділігіне және басқа да аспектілерге әсерін бағалауға бағытталған зерттеу әдіснамасын бекіттік," – деп қосты Шаққалиев.