$ 469.52 € 553.75 ₽ 6.15

BI Group Украина нарығына кіріп, соғыста қираған үйлерін қалпына келтірмек

Абдрахманов Мағжан
20 желтоқсан 2025, 13:57
BI Group Украина нарығына кіріп, соғыста қираған үйлерін қалпына келтірмек Сурет авторы: ЖИ иллюстрациясы

Қазақстандағы ірі құрылыс компаниясы BI Group Украина нарығына ресми түрде кірді. Компания Украинадағы Watzenrode атты құрылыс фирмасын сатып алды. Бұл туралы украиналық Forbes Ukraine басылымы жазды.

BI Group-ты Айдын Рахымбаев басқарады. Компанияның басты мақсаты – соғыстан кейін Украинаны қалпына келтіру жұмыстарына қатысу және Киев қаласы мен Киев облысында тұрғын үйлер салу.

Watzenrode компаниясын сатып алу BI Group-қа жұмысты бірден бастауға мүмкіндік берді. Себебі бұл компанияда 7,5 мыңнан астам адам жұмыс істейді. Оның клиенттері арасында Nestle, PepsiCo және Samsung сияқты ірі халықаралық компаниялар бар. 2025 жылдың 9 айында Watzenrode-тың табысы 374,4 млн гривенге жеткен, бұл шамамен 4,5 млрд теңге.

BI Group Украинада екі негізгі бағытқа назар аудармақ:

  • соғыстан кейінгі қалпына келтіру жобаларына бас мердігер ретінде қатысу;
  • тұрғын үйлер салу, яғни қолжетімді баспанадан бастап, қымбат үйлерге дейінгі жобаларды іске асыру.

Сонымен қатар компания күн және жел электр станцияларын салу мүмкіндігін де қарастырып отыр. Алдағы 3–5 жылда BI Group Украина экономикасына ондаған миллион доллар инвестиция салуды жоспарлап отыр.

#BI Group #Украинадағы соғыс #Айдын Рақымбаев

Соңғы жаңалықтар