Белгілі режиссер Ардақ Әмірқұлов өмірден өтті

Белгілі қазақстандық кинорежиссер Ардақ Әмірқұлов 71 жасқа қараған шағында дүниеден өтті. Бұл туралы Мәдениет және ақпарат министрлігі хабарлап, марқұмның туған-туыстары мен жақындарына көңіл айтты.

Министрлік мәлімдемесінде Ардақ Әмірқұловтың ұлттық кино өнерінің дамуына зор үлес қосқаны атап өтілді. Сондай-ақ оның дарынды режиссер, білікті ұстаз әрі бірнеше буын кинематографистің қалыптасуына ықпал еткен тәлімгер болғаны айтылды.

Ардақ Әмірқұлов түсірген «Отырардың күйреуі», «Абай», «Қош бол, Гүлсары!» және басқа да фильмдер қазақ киносының алтын қорына енген.

Ардақ Әмірқұлов 1956 жылы дүниеге келген. Ол Мәскеудегі Бүкілресейлік мемлекеттік кинематография институтында (ВГИК) білім алған. Кейін «Қазақфильм» киностудиясын басқарды, тарихи және авторлық фильмдер түсірді.

2025 жылдың шілде айында Ұлыбританияда режиссердің «Отырардың күйреуі» фильмі қалпына келтірілген нұсқада көрсетілген болатын. Бұл туынды Қазақстаннан «Оскар» сыйлығына ұсынылған алғашқы фильм ретінде тарихта қалды.