$ 488.37 € 559.77 ₽ 6.64

Бектенов республика бойынша сейсмологиялық жағдайды бақылауды тапсырды

Редакция
31 наурыз 2024, 05:24
Бектенов республика бойынша сейсмологиялық жағдайды бақылауды тапсырды Сурет авторы: Үкіметтің баспасөз қызметі

Үкімет отырысында Олжас Бектенов Алматыдағы жер сілкінісі бойынша түсініктеме берді.

"Көріп отырғанымыздай, Төтенше жағдайлар министрлігі, әкімдік және басқа да мемлекеттік органдар орын алған жағдайға қатысты шұғыл әрекет ете білді.  

Бұл жолы дабыл сиренасы мен халықты құлақтандыру жүйесі уақтылы іске қосылды. 

Қала халқы қабылдау пункттеріне эвакуацияланды. 

Бағымызға қарай, айтарлықтай зардаптар болған жоқ", - деді Бектенов.

Үкімет басшысы кеше Алматыда болған жер сілкінісін бағалау жұмыстары жүргізіліп жатқанын айтты.

«Қазір орын алған жағдайды есептеу-бағалау жұмыстары жалғасуда. Төтенше жағдайлар министрлігі елдегі сейсмологиялық ахуалға тұрақты мониторингті қамтамасыз етуі керек. Күштер мен құралдар сақадай сай болуға тиіс. Сондай-ақ Төтенше жағдайлар министрлігі еліміздің таулы аймақтарында сел және лай көшкіні жүру қауіпіне қатысты тиісті мониторингті қамтамасыз етуі керек. Төтенше жағдай қаупі туындаған кезде шұғыл әрекет ету шараларын қабылдау керек».

Соңғы жаңалықтар