Байден, Путин, Қазақстан: еліміздегі ерекше есімдер аталды

Ranking.kz сайты еліміздегі ерекше есімдерге қатысты статистикалық мәліметтер келтірді.

29 ақпандағы мәлімет бойынша елімізде Қазақстан есімді 24 адам тіркелген.

Қазақстан атты азаматтар ең көп Ақмола облысында тұрады: 7 адам. Астанада мұндай есімді тағы 5 адам, Қарағанды ​​облысында 4 адам бар. Сонымен қатар, Қазақстан есімді 3 адам Қостанай облысында, 2 адам Маңғыстау облысында, 2 адам Шымкент қаласында, 1 адам Батыс Қазақстан облысында тұрады.

Халық арасында Қазақстандағы қалалардың аттастары да бар. Мәселен, қазақстандықтардың ішінде 24 Астана, 20 Алматы және 3 Шымкент бар.

Сонымен қатар, ҚР-да Семей есімді 27 адам, Атырау есімді 15 адам, Түркістан есімді 15 адам , Тараз есімді 14 адам, Ақтау есімді 10 адам, Ақтөбе есімді 1 адам, Талдықорған есімді 1 адам бар.

Ата-аналар балаларына саяси қайраткерлердің есімін беруді де дәстүрге айналдырған. Атап айтқанда, ҚР-да 12 Қасым-Жомарт, 1 Путин, 1 Трамп және 8 Байден тұрады.

Биыл қаңтарда Қазақстанда ең танымал есімдер Медина мен Алихан болды. Елімізде 517 Медина мен 313 Алихан өмір сүреді.

Қыздардың есімдері бойынша үздік бестікке Асылым (468 адам), Айша (436 адам), Айлин (387 адам) және Томирис (318 адам) кірді. Ұл балалар есімдерінің ішінде ең танымал бестікке Мұхаммед (305 адам), Айсұлтан (238 адам), Мухаммад (231 адам) және Алдияр (219 адам) кірді.