$ 474.9 € 555.3 ₽ 6.24

Бала жәрдемақысы неге түспей жатыр: Еңбек министрлігі түсініктеме берді

Абдрахманов Мағжан
14 сәуір 2026, 10:58
Бала жәрдемақысы неге түспей жатыр: Еңбек министрлігі түсініктеме берді Сурет авторы: altyn-orda.kz

Қазақстанда бала күтіміне байланысты төлемдер мерзімінен кешігіп түсіп жатыр, деп хабарлады Еңбек және халықты әлеуметтік қорғау министрлігі.

Ведомство бұл жағдай қаржыландырудағы ақауға емес, демалыс күндеріндегі банк операцияларының ерекшелігіне байланысты екенін түсіндірді.

Министрлік мәліметінше, 10 сәуір, жұма күні жіберілген қаражат мемлекеттік корпорация шотына 13 сәуір, дүйсенбі күні түскен. Осыдан кейін төлемдер алушылардың банк карталарына кезең-кезеңімен аударыла бастаған.

Ведомство барлық міндеттеме толық орындалғанын және ешқандай берешек жоқ екенін атап өтті. Қаражат жақын уақытта барлық алушыға толық жеткізіледі.

#Бала күтімі #Жәрдемақы #Еңбек және халықты әлеуметтік қорғау министрлігі

Соңғы жаңалықтар