Бала туылғанда қандай жәрдемақы беріледі?

"Азаматтарға арналған үкімет" мемлекеттік корпорациясы декреттік демалысқа шыққан кезде баланың тууы мен күтімі бойынша қандай төлемдер тағайындалатынын айтып берді.

Бала тууға байланысты төлемдердің үш түрі бар: жүкітілік және босануға байланысты әлеуметтік төлем, бала туғанда берілетін біржолғы мемлекеттік жәрдемақы, бір жарым жасқа дейінгі бала күтімі бойынша әлеуметтік төлем.

Жүкітілік және босануға байланысты әлеуметтік төлем

Төлемді декреттік демалысқа шығар алдында жұмыс істейтін әйелдер ғана рәсімдей алады. Өтініш беру үшін ХҚКО немесе электрондық үкімет порталына жүгіну қажет. Қызметті алу үшін жеке куәлік, еңбекке уақытша жарамсыздық парағы және банк шоты туралы мәліметтер қажет болады.

Құзырлы орган талабымен қосымша құжат сұратылуы мүмкін.

Бала туғанда берілетін біржолғы мемлекеттік жәрдемақы

• Бұл жәрдемақыны жұмыс істейтін де, жұмысқа орналаспаған әйелдер де алуға құқылы.
• Бірінші, екінші және үшінші балаға берілетін жәрдемақы мөлшері – 38 АЕК, төртінші және одан кейінгі бала үшін – 63 АЕК.

Бір жарым жасқа дейінгі бала күтімі бойынша әлеуметтік төлем

• Әлеуметтік төлем жұмыс істейтін және істемейтін әйелдерге тағайындалады. Төлем мөлшері табысына қарай аударылған әлеуметтік аударымдарға байланысты.
• Егер әйел жұмыс істемесе, ол бала санына қарай 5,76-дан 8,9 АЕК-ке дейінгі мөлшердегі төлем алады.