$ 509.63 € 592.34 ₽ 6.54

Бағдат Мусин қызметінен босатылды

Редакция
30 сәуір 2024, 11:07
Бағдат Мусин қызметінен босатылды

30 сәуірде Қазақстан Цифрлық даму, инновациялар және аэроғарыш өнеркәсібі министрі Бағдат Мусин қызметінен босатылды. 

"Мемлекет басшысының Жарлығымен Бағдат Батырбекұлы Мусин Қазақстан Республикасының Цифрлық даму, инновациялар және аэроғарыш өнеркәсібі министрі лауазымынан босатылды", - деп жазылған ресми Ақорда баспасөз қызметі таратқан хабарламада.

Бағдат Мусин 1983 жылы Екібастұзда туған. Сүлеймен Демирел университетін (2000-2004) «компьютердің техникалық және бағдарламалық жасақтамасы», Қазақ құқықтану және халықаралық қатынастар институтын (2004-2006) «құқықтану» мамандығы бойынша бітірген.

Әр жылдары "ұлттық ақпараттық технологиялар", әділет министрлігі, ақпарат және байланыс министрлігі, көлік және коммуникация министрлігінде қызмет атқарған. 2014 жылы "Қазпошта" акционерлік қоғамы басқармасының төрағасы болды.

2017 жылы бас прокуратураның құқықтық статистика және арнайы есеп комитетін басқарды. 2018 жылы өз еркімен бұл қызметтен кетті. Ол сол уақытта денсаулығына байланысты және бизнес жобаларын жүзеге асырғысы келгендіктен мемлекеттік сектордан кететінін айтқан еді.

Бағдат Мусин 2020 жылдың 2 қыркүйегінен бастап Цифрлық даму, инновациялар және аэроғарыш өнеркәсібі министрі қызметін атқарды.

Соңғы жаңалықтар