Аза тұту күні әлеуметтілк желіде“олар біз үшін өліпті ме?” деген қазақстандық қамауға алынды

Шымкентте TikTok-тағы тікелей эфир кезінде Каспийде қаза тапқан әскери қызметшілерге байланысты жарияланған жалпыұлттық аза тұту күні туралы пікір білдірген 21 жастағы тұрғын 10 тәулікке қамалды. Бұл туралы Шымкент қаласының Полиция департаменті хабарлады.

Оқиға жұма күні орын алған. Эфир барысында желі қолданушыларының бірі жалпыұлттық аза тұту күніне байланысты сұрақ қойғанда, бойжеткенмен бірге болған 21 жастағы жігіт: «Аза тұту күні ме? Олар біз үшін өліп пе?» – деп жауап қайтарған.

Әлеуметтік желіде тараған бұл мәлімдеме қоғамда үлкен нараздық тудырды. Тікелей эфирде қасында болған 22 жастағы жора-жолдастарының бірі сол сәтте-ақ телефонды тартып алып, бұл сөздермен келіспейтінін және оны айыптайтынын білдірген.

Құқық қорғау органдары аталған факті бойынша тексеру жүргізіп, заң бұзған азаматты анықтады. Сот шешімімен 21 жастағы Шымкент тұрғыны қоғамдық мораль мен аза тұту ережелерін өрескел бұзғаны үшін 10 тәулікке әкімшілік қамауға алынды.

Сондай-ақ, тікелей эфирге қатысқан оның 22 жастағы екі досы арестке алынбағанымен, құқық қорғау органдары үшеуін де бір ай мерзімге профилактикалық есепке қойды.