Айзат Жұманованың қазасы: Әйелін соққыға жығып өлтірген Айбар Жанболатқа үкім шықты

Жетісу облысында сот Айбар Жанболатты жұбайы Айзат Жұманованы өлтіргені үшін 14 жылға бас бостандығынан айырды.

Тергеу барысында қылмыстық іс бастапқыда денсаулыққа ауыр зиян келтіру дерегі бойынша қозғалған. Алайда жүргізілген сот-медициналық сараптамалардың қорытындысынан кейін іс «Адам өлтіру» бабына қайта сараланған. Мемлекеттік айыптаушы соттан 15 жыл жаза тағайындауды сұрағанымен, сот 14 жыл мерзімді белгілеп, үкім шығарды.

Тергеу нұсқасына сәйкес, оқиға 21 маусымнан 22 маусымға қараған түні болған. Айыпталушы жұбайын аулаға шығарып, ұрып-соққан. Марқұм соққыны тоқтатуды өтінгенімен, ер адам әрекетін жалғастырған. Әйел есінен танғаннан кейін де соққы жасалғаны айтылды.

Іс материалдарына сәйкес, қылмыс жасалған кезде ер адам мас күйде болған.

Сот үкімі заңды күшіне енген жоқ.