Әйгілі Наруто анимесіне енді фильм түсіріледі: Узумаки мен Саскенің кейіпкелеріне кастинг жарияланды

Әлемге әйгілі жапон мангасы «Наруто» желісі бойынша толықметражды кино түсіру басталды. Lionsgate студиясы Наруто Узумаки, Саске Учиха және Сакура Харуноны сомдайтын актерлерді іздеп, әлемдік ауқымдағы кастинг жариялады.

Lionsgate студиясы «Наруто» мангасын үлкен экранға шығару құқығын он бір жыл бұрын сатып алған. Алайда жоба бірнеше рет тоқтап қалды. «Шан-Чи» мен жақында шыққан «Спайдер-Мен: Brand New Day» фильмдерінің режиссері Дестин Дэниел Креттон жобаға екі жыл бұрын қосылған.

Кастинг Team 7 деп аталатын үштікке – Наруто, Саске және Сакура рөліне үміткерлерді іздеуден басталады, ал қосымша кейіпкерлерге арналған кастинг кейінірек жарияланбақ. Режиссер бұл жобаны әлеуметтік желідегі жазбасында жариялап, Кисимото сенсейдің әлемі мен кейіпкерлерін алғаш рет тірі актерлар арқылы үлкен экранға шығару өзі үшін үлкен мәртебе екенін атап өтті.

Мангаaverse авторы Масаси Кисимото да бұл жаңалыққа қуанышын жасырмады – ол өз шығармасының шынымен Голливуд киносына айналып жатқанын «бірінен соң бірі келе жатқан ғажайып» деп сипаттап, болашақ актерлармен кездесуді асыға күтетінін жеткізді.

Фильм кейіпкерлердің манга сюжетіндегідей 12 жасар кезін бе, әлде «Наруто: Шиппуден» бөлігіндегідей 16 жасар шағын  көрсету жоспарланғаны нақтыланған жоқ. 

Есіңізге сала кетейік, «Наруто» мангасы алғаш рет 1999 жылы жарық көрген соң тез арада әлемдік хитке айналды, оның негізінде аниме, ойындар мен көптеген өнімдер шығарылды. Манганың жалпы тиражы 60-тан астам елде 250 миллион данадан асады.