Әйелін тепкілеген Атырау облысындағы ауданның экс-әкіміне сот үкімі шықты

Атырау қаласының №2 сотында Мақат ауданының бұрынғы әкімі Ринат Ибрагимовке кінәліге материалдық немесе өзге де тәуелділікте болған адамға қатысты денсаулыққа қасақана ауырлығы орташа зиян келтіру фактісі бойынша қылмыстық іс қаралды. Бұл туралы Атырау облыстық сотының баспасөз қызметі хабарлады.  

 Сотпен анықталғандай Ринат Ибрагимов пен әйелі Ақмарал Үмбетқалиева арасында 2023 жылыдың 31 мамырында жанжал туған. Жанжал кезінде Ибрагимов әйелі Үмбетқалиеваның оң иығынан ұстап, есікті жауып, бөлмеге крігізген. Ешкімнің кедергі келтірмейтініне көзі жеткен соң, әйелін еденге құлатып, сол жақ санынан бірнеше рет тепкілеген. Соның салдарынан Үмбетқаливеаның 5- омыртқасы сынып, орташа ауырлықтағы зақым алған.  

Айыпталушының кінәсі жәбірленушінің айғақтарымен, сараптама қорытындысымен дәлелденіп,  Ибрагимов 2 жылға бас бостандығын шектеу жазасына кескен.  

Бүған дейін Ринат Ибрагимов әйелінің айыптауына байланысты "БАҚ-та менің атыма негізсіз айып тағылған ақпарат кеңінен тарады. Ол менің шенеунік екенімді біле отырып, осындай мәлімдемелер жасайтын сияқты және мұның бәрі бір толқында болып жатыр"- деп пікір білдірген болатын. 

38 жастағы Ринат Ибрагимов - Атырау облысы, Мақат ауданының экс-әкімі. Ол бұл лауазымға 2022 жылдың наурыз айында тағайындалған болатын. “Ақ Жайық” басылымының мәліметінше, 24 мамыр күні Ибрагимов өз қалауымен отставкаға кеткен.  

Дулат Абдраманов