Айбек Смадияров Президенттің баспасөз хатшысы болып тағайындалды

Мемлекет басшысының жарлығымен Руслан Сұлтанұлы Желдібай Қазақстан Республикасы Президентінің көмекшісі – Президенттің баспасөз хатшысы қызметінен босатылды. Бұл туралы Ақорда хабарлады.

Сонымен қатар Мемлекет басшысының өкімімен Айбек Серікбайұлы Смадияров Қазақстан Республикасы Президентінің кеңесшісі – Президенттің баспасөз хатшысы болып тағайындалды. Ол осыған дейін атқарған қызметінен босатылған.

Смадияров Қазақстан Республикасы Президенті Әкімшілігінің Ішкі саясат бөлімінің меңгерушісі қызметін атқарған. Бұл қызметке ол былтыр 15 желтоқсанда тағайындалған еді. 

Сонымен қатар, Айбек Смадияров 6 желтоқсанда Сыртқы істер министрлігінің ресми өкілі қызметінен кеткен болатын. Смадияров бұл қызметке 2018 жылы тағайындалды. Бір жылдан кейін Халықаралық ақпарат комитеті төрағасының орынбасары болды, ал 2023 жылдың маусымынан бастап СІМ-нің Коммуникациялар департаментінің директоры қызметін атқарды.

Кадрлық өзгерістер Президенттің шешімімен жүзеге асырылды.