Ауысым арасында – сайлауға: Алматыда «Алматы паркинг» ұжымы азаматтық белсенділік танытты

Таңертең «Алматы паркинг» КМК ұжымы кәсіпорын директорының міндетін атқарушы Талант Тайновпен бірге сайлау учаскесіне барып, дауыс берді.

Кәсіпорын қызметкерлері ауысым арасындағы уақытты пайдаланып, азаматтық борышын орындауға және дауыс беру құқығын жүзеге асыруға келді. Жұмыс кестесінің тығыздығына қарамастан, ұжым маңызды қоғамдық-саяси оқиғаға қатысуға уақыт тапты.

«Бүгін ұжыммен бірге сайлау учаскесіне келдік. Біз үшін қала игілігіне еңбек ету ғана емес, жауапты азамат болу да маңызды. Жұмыс кестесі тығыз болса да, ауысым арасында уақыт тауып, дауыс бердік. Меніңше, азаматтық ұстаным әр адамның жеке қатысуынан басталады. Елдің дамуын қаласақ, оның болашағын қалыптастыруға өзіміз де атсалысуымыз керек. Әр дауыс маңызды», – деді «Алматы паркинг» КМК директорының міндетін атқарушы Талант Тайнов.