Ауруды ерте анықтаған дәрігерлерге қосымша сыйақы беріледі

Науқастың дертін ерте анықтаған дәрігерлерге қосымша сыйақы беріледі, деп хабарлайды Qrnews тілшісі 24.kz-ке сілтеме жасап.

Бұл сыйақыны автоматтандырылған жүйе есептеп, дәрігердің жинаған балына сәйкес табыс көлемі анықталады. Аурудың күрделілігі мен дәрігердің қызметтік міндеттеріне қарай сыйақы көлемі артады.

"Өкпе туберкулезі мен қатерлі ісіктерді ерте кезеңдерде анықтаған дәрігерлерге 1 АЕК-дан 5 АЕК-ға дейін сыйақы беріледі", – дейді медициналық көмекті ұйымдастыру департаментінің басқарма басшысы Әсел Қыдыралиева.

Бұрын да аймақтық дәрігерлерге ынталандыру сыйақылары төленіп келген, бірақ жаңа жоба арқылы әдістеме өзгерді. Аймақтық дәрігерлерге жүктелетін міндеттер көп болғандықтан, олардың жұмысын жеңілдету мақсатында сыйақы жүйесі жетілдірілді.

Әсел Қыдыралиеваның айтуынша, әр аймақта бір дәрігер мен 3 мейірбике 1700-ден астам адамға жауап береді және олардың денсаулығын бақылап, уақытылы скринингтен өтуін қамтамасыз етеді.

"Скринингтен өту тәсілдері, немесе жалпы ағзаны толықтай тексерістен өткізу бұл әр адам үшін маңызды.  Мамандар осы тексеріс арқылы қандай да бір ауытқу болмаса қауіп барын анықтап, арнайы ем-дом жасайды. Бұл қатерлі аурулардың ерте кезеңде анықтауға көмек", – дейді медициналық-генетикалық консультациялар бөлімінің меңгерушісі Меруерт Жұмажанова.

Дәрігерлердің жұмысы мен науқастарды қабылдауы жүйеге тіркеліп, бонустық және баллдық жүйе бойынша бағаланады. Ең жоғары ұпай саны 100 болып, бір ұпай 4,5 АЕК-ке теңестіріледі.