Атырауда журналист 10 миллион теңге бопсалады деген күдікпен ұсталды

Атырауда полицейлер жеке кәсіпорын басшысынан 10 миллион теңге талап етті деген күдікке ілінген журналисті ұстады. Бұл туралы облыстық полиция департаменті хабарлады.

Ресми дерекке сәйкес, 36 жастағы әйел кәсіпорын қызметіне қатысты бейнематериалды жарияламау үшін 10 миллион теңге бопсалаған.

Ол ақшаның бір бөлігін – 4 миллион теңгені делдал арқылы алған. Делдалдың өзі қаладағы қонақүйлердің бірінде қолға түсті.

Қазір аталған дерек бойынша Қылмыстық кодекстің 194-бабының 2-бөлігі («Бопсалау») бойынша сотқа дейінгі тергеу жүріп жатыр.

Полиция күдіктінің әрекетіне басқа адамдардың қатысы бар-жоғын анықтап жатыр.