Атырау облысында алаяқ өзін "антикор басшысымын" деп таныстырған

Атырау облысында өзін Сыбайлас жемқорлыққа қарсы қызметтің төрағасы деп таныстырып, мектеп директорына қоңырау шалған азаматқа қатысты сот үкімі шықты. Бұл туралы Антикоррупция қызметінің баспасөз қызметі хабарлады.

Ведомствоның мәліметінше, оқиға Жамбыл облысы Жуалы ауданындағы №4 мектеп директоры Пернешеваға белгісіз адамның хабарласуынан басталған. Ол өзін антикоррупция қызметінің төрағасымын деп таныстырып, жұмысқа ішімдік ішіп келгені үшін қызметтен босатылған адамды қайта жұмысқа алу жөнінде өтініш жасаған.

Тексеру барысында оның Атырау облысының тұрғыны екені анықталды. Құқық қорғау органдары оның әрекетінде жала жабу белгілерін (ҚР ӘҚБтК 73-3-бабы, 2-бөлігі) анықтап, іс сотқа жолданды. Сот отырысында азамат кінәсін толық мойындап, өкініш білдірді. Сот шешімімен ол айыппұл төлеуге міндеттелді.

Сыбайлас жемқорлыққа қарсы қызмет азаматтарды мұндай алаяқтық әрекеттерге алданбауға шақырып, күмәнді қоңырау немесе хабарламалар түскен жағдайда бірден құқық қорғау органдарына хабарлауды ескертті.