Астананың бас жоспарын әзірлеуге 3,9 млрд теңге жұмсалмақ

 2026–2027 жылдары Астананың құрылыс салу жөніндегі бас жоспарын әзірлеуге 3,9 млрд теңге жұмсау жоспарланып отыр, деп хабарлайды kaztag.kz.

Бюджеттік бағдарлама жобасының сипаттамасында 002 «Елді мекендердің құрылыс салу жөніндегі бас жоспарларын әзірлеу» бағдарламасы бойынша 2023–2027 жылдарға арналған қаржыландыру көлемі айқындалған.

2023 жыл – 3 025 555;

2024 жыл – 3 602 249;

2025 жыл – 3 710 296;

2026 жыл – 1 956 000;

2027 жыл – 1 956 000», – делінген бюджеттік бағдарлама жобасының сипаттамасында.

Бюджеттік бағдарламаның мақсаты – қаланы құрылыс және егжей-тегжейлі жоспарлау  жобаларымен қамтамасыз ету, қала құрылысы жобаларын, схемалар мен тұжырымдамаларды әзірлеу және түзету, қала маңы аймағын дамыту схемаларын жасау, қоғамдық кеңістіктерді урбанистік дамыту мен көгалдандыру жобаларын әзірлеу, қала құрылысы регламенттерін әзірлеу, инженерлік желілер мен коммуникацияларды жобалау және салу деректер базасын жүргізу, құрылысқа мониторинг жасау, «Мекенжай тіркелімі» деректерін толықтыру, жер телімдерін беру бойынша бастапқы құжаттарды дайындау, тұрғын үй алаңын жоспарлау және республикалық, халықаралық конкурстарға, семинарлар мен көрмелерге қатысу.

Құжатта мынадай міндеттер айқындалған:

• 2024 жыл – жыл ішінде жаңа тәсілдермен әзірленген егжей-тегжейлі жоспарланған аумақтың үлесі қаланың жалпы аумағының 3,1%-ын құрайды;

• 2025 жыл – осы көрсеткіш 3,2%;

• 2026 жыл – осы көрсеткіш 3,2%;

• 2025 жыл – пайдалануға берілген тұрғын үй ғимараттарының жалпы алаңы – 4 600 мың шаршы метр;

• 2026 жыл – пайдалануға берілген тұрғын үй ғимараттарының жалпы алаңы – 2 091 мың шаршы метр;

• 2027 жыл – пайдалануға берілген тұрғын үй ғимараттарының жалпы алаңы – 2 114 мың шаршы метр.