Астанадан ұшатындар үшін маңызды өзгеріс: рейстердің уақыты ауысады

15 сәуір мен 31 мамыр аралығында Астана халықаралық әуежайында ұшу-қону жолағында жоспарлы жөндеу жұмыстары жүргізіледі. Осыған байланысты сағат 10:00-ден 18:00-ге дейін жоспарланған барлық рейс ертерек немесе кешірек уақытқа ауыстырылады. Бұл туралы әуежайдың баспасөз қызметі хабарлады.

Әуежай өкілдерінің мәліметінше, кестедегі өзгерістер алдын ала әуе компанияларымен және уәкілетті мемлекеттік органдармен келісілген. Уақытша шектеулерден тыс кезеңде әуежай штаттық режимде жұмысын жалғастырады.

Жолаушыларға рейстердің нақты уақытын әуе компанияларынан алдын ала нақтылау ұсынылады.

Әуежайда атап өткендей, жөндеу жұмыстары аэродром инфрақұрылымы мен жарық-сигналдық жабдықты тиісті жағдайда ұстауға, сондай-ақ ұшу қауіпсіздігі мен сенімділігін арттыруға бағытталған.