Астанадағы "әл-Фаттах" мешітінің жанындағы тұрақ жұма күні уақытша жабылады

Астанадағы "әл-Фаттах" мешітінің жанында орналасқан автотұрақ 31 қаңтардан бастап әр жұма күні сағат 12:00-ден 14:00-ге дейін уақытша жабылады. Шектеу Әйтеке би көшесі бойындағы тұраққа қатысты енгізіліп отыр.

Қала әкімдігінің мәліметінше, бұл шара жұма намазы кезінде аталмыш учаскенің жүктемесінің артуына байланысты қабылданған. Мақсат – қозғалыс қатысушылары үшін қауіпсіз әрі ыңғайлы жағдай жасау.

Альтернативті тұрақ ретінде төмендегі орындарды пайдалануға болады:

• Green Garden (Баян Сұлу көшесі бойында)
• Eva (Баян Сұлу және Нәрікбаев көшелерінің бойында)
• "Ерке" (Нәрікбаев және Әйтеке би көшелерінің бойында)
• "Аркада" (Әйтеке би көшесінің бойында)

Қала тұрғындары мен қонақтары осы өзгерісті ескеріп, алдын ала тұрақ іздеуді жоспарлағаны жөн.