Астанада картоп сатылымына қойылған шектеуді алып тастады

Астанада картоп сатылымына енгізілген шектеу тоқтатылды. Бұл туралы қалалық инвестициялар және кәсіпкерлікті дамыту басқармасы хабарлады.

"Қалада картоп тапшылығы жоқ. Өнім сауда желілері мен базар сөрелерінде жеткілікті мөлшерде бар, әрі оның қоры уақтылы толықтырылып отырады," – делінген ресми хабарламада.

22 қаңтарда "Small" және "Spar" сауда желілерінде бір қолға 5 килограмнан артық картоп сатуға уақытша шектеу қойылған еді. Бұл шара сауда желілері тарапынан алыпсатарлардың өнімді жаппай сатып алып, қайта сатуын болдырмау мақсатында енгізілген.

Қазіргі таңда барлық "Small" және "Spar" сауда желілерінде картоп 1 килограмы үшін 280 теңгеден сатылып жатыр.