Астанада АЭС салу мәселесі бойынша жария талқы өтеді

Астанада АЭС салу бойынша жария талқы 20 тамызда «Radisson Hotel» қонақүйінде өтеді.

Осыған дейін еліміздің 19 қаласында жария талқы өтті. Кейінгісі Алматыда өтті. Белсенділер онда АЭС салудың артықшылықтары ғана айтылып, кемшіліктері туралы сөз қозғалмады дейді.

Барлық өңірде жария талқы өтіп болған соң, АЭС салу мәселесі жалпыхалықтық референдумға шығарылады. Президент Қасым-Жомарт Тоқаев референдумның күзде өтетінін айтқан. Бірақ әзірге күні белгіленбеді.

Елімізде АЭС салынар болса, Балқаш көлінің жағасындағы Үлкен ауылында салынуы ықтимал. Атом реакторын Қытай, Ресей, Франция немесе Оңтүстік Корея елдерінің бірі салуы мүмкін.