Астанада «102» операторын балағаттаған азамат қоғамдық жұмысқа жегілді

Елордада полицияның «102» арнасына қоңырау шалып, операторды бейәдеп сөздермен қорлаған тұрғын заң алдында жауап берді. Бұл туралы Астана қалалық прокуратурасының баспасөз қызметі мәлімдеді.

Қоңырау шалу кезінде азамат өз қызметтік міндетін атқарып отырған билік өкіліне тіл тигізіп, балағат сөздер айтқан. Соталды тергеу мен сот процесі барысында айыпталушының кінәсі толық дәлелденіп, сот үкімімен оған 30 сағаттық қоғамдық жұмыс жазасы тағайындалды. Қазіргі уақытта сот шешімі заңды күшіне енді.

Қадағалаушы орган өкілдері шұғыл қызмет қызметкерлерінің ел қауіпсіздігін қамтамасыз етуде үлкен жауапкершілікпен еңбек ететінін, сондықтан олардың ар-намысы мен абыройына нұқсан келтіру заң аясында қатаң жазаланатынын ескертеді.