Астана – Алматы пойызында интернет қолжетімді болады

"Жолаушылар тасымалы" баспасөз қызметінің мәліметінше, пилоттық жоба аясында Астана – Алматы бағыты бойынша қатынайтын пойызда интернет іске қосылады.

Танымал бағыттың жолаушыларына желіге қосылу мүмкіндігі 25 қаңтардан бастап ұсынылады.

"Пилоттық жоба барысында заманауи спутниктік технологиялар арқылы интернетке қол жеткізу жоспарлануда. Бұл жолаушыларға сапар барысында WhatsApp, YouTube және басқа да бейнехостингтерді пайдалануға мүмкіндік береді. Дегенмен, торренттер мен ағындық жүктеу сайттарына қолжетімділік шектеледі", – деп мәлімдеді компания.

Сонымен қатар, жоба аясында мына жаңалықтар енгізілмек:

• Гидтерде билеттерді тексеру үшін мобильді терминалдар қолданылады;

• Мейрамхана вагондарында POS-терминалдар арқылы төлем жасау мүмкіндігі болады;

• Вагондарға бейнебақылау жүйелері орнатылады.

Пилоттық жоба кезінде интернет тегін болады, бірақ кейіннен ақылы пакеттер енгізу жоспарланып отыр.

Бұған дейін цифрлық даму министрлігі пойыздардағы интернеттің OneWeb компаниясымен пилоттық жоба аясында қосылатынын хабарлаған еді. Сынақ мерзімі аяқталған соң, жоба аясын кеңейту мәселесі қарастырылатын болады.