Бағдат Мусин Астанада жасанды интеллект бойынша халықаралық олимпиада өтетінін жариялады

Қазақстан жаһандық IT-картасындағы орнын тағы бір мәрте бекемдей түсті. Спорттық бағдарламалау федерациясының президенті Бағдат Мусин 2026 жылдың тамыз айында Астанада Халықаралық жасанды интеллект олимпиадасының (IOAI) өтетінін сүйіншіледі. Бұл — әлемнің түкпір-түкпірінен ең мықты жас ақыл-ой иелері бас қосатын беделді дода.

Мусиннің айтуынша, келісімшартқа қол қойылды және бұл таңдау кездейсоқ емес. Еліміз соңғы жылдары цифрлық экожүйені дамытуда айтарлықтай табыстарға жетті. Мәселен, 2024 жылы өткен ICPC финалы мен 2025 жылы Қазақстан құрамасының Қытайда әлемдік төртінші орынды иеленуі — біздің мамандардың бәсекеге қабілеттілігінің айқын дәлелі.

«Бұл — жаһандық технологиялық бәсекелестік кезеңінде Қазақстанның сенімді серіктес ретінде танылуы», — деп атап өтті Бағдат Мусин.

Жобаның сәтті жүзеге асуына Жасанды интеллектті дамыту министрі Жаслан Мәдиевтің де қосқан үлесі зор. Мұндай іс-шаралар елімізге не береді?

•  Әлемдік алпауыт компаниялар олимпиада қатысушыларын студент кезінен өздеріне жұмысқа шақырады.

• Халықаралық университеттер мен ірі ИИ-командалардың Қазақстанға назарын аударуы.

• Астананың өңірлік технологиялық хаб ретіндегі имиджін нығайту.

2026 жыл елімізде «Жасанды интеллект жылы» деп жарияланғандықтан, бұл олимпиада мемлекеттің цифрлық саясатының басты оқиғасына айналмақ.