Ашығу режимі миды стресстен қалай қорғайды

Translational Psychiatry журналында жарияланған халықаралық зерттеу нәтижелері интервалды ашығудың (периодикалық голодание) адам ағзасы мен ми қызметіне оң әсерін тигізетінін көрсетті.

Ғалымдар тобы интервалды ашығу режимі созылмалы стресс салдарынан мида туындаған демиелинизацияны (миелин қабығының зақымдануы) қалпына келтіруге және депрессиялық белгілерді азайтуға қабілетті екенін анықтады. Бұл үдеріс ішек микробиотасының құрамын жақсарту арқылы жүзеге асады.

Тәжірибе барысында зерттеушілер ересек еркек тышқандарды ұзақ мерзімді психологиялық стресс жағдайына түсірді. Кейіннен жануарлар екі топқа бөлінді:

 Бірінші топ: Тамақтануда шектеу болмады.

 Екінші топ: Белгілі бір уақыт аралығында ғана тамақтандырылды (интервалды ашығу режимі).

Зерттеу қорытындысы бойынша, еркін тамақтанған топтың стресске төзімділігі төмен болғаны байқалды. Ал интервалды ашығу режимін ұстанған тышқандарда энергия деңгейінің жоғары екені, депрессиялық мінез-құлықтың азайғаны және жалпы көңіл-күйінің тұрақтылығы анықталды.

Ғалымдар миелин қабығының жай-күйіне талдау жасады. Бақылаусыз тамақтанған топта мидың эмоционалды реттеу, шешім қабылдау және есте сақтау функцияларына жауап беретін аймақтарында (мозолистое тело, медиальды префронтальды қыртыс және гиппокамп) миелин қабығының зақымданғаны анықталды. Интервалды ашығу режимінде болған тышқандарда бұл зақымданулардың алдын алу немесе қалпына келу үдерісі тіркелді.

Зерттеушілер бұл өзгерістердің ішек микробиотасымен тікелей байланысты екенін атап өтті. Интервалды ашығу ішектегі пайдалы бактериялардың көбеюіне ықпал етеді, бұл өз кезегінде мидағы миелин қабығын қорғау және қалпына келтіру процесін белсендіреді.

Аталған жаңалық клиникалық тұрғыда расталған жағдайда, интервалды ашығу режимі созылмалы стресстен зардап шегетін адамдарда депрессия мен психикалық бұзылулардың алдын алуға арналған тиімді терапиялық әдіс ретінде қолданылуы мүмкін.