Әрбір бесінші қазақстандыққа мемлекеттік қолдау көрсетілуде

Елімізде бюджет есебінен берілетін әлеуметтік көмектің ауқымы кеңейіп келеді. Бүгінгі таңда мемлекет тарапынан 41 түрлі төлем түрі қарастырылған. Жыл басынан бері бұл мақсатқа жалпы сомасы 5,9 трлн теңге жұмсалды, деп хабарлайды ҚР Еңбек және халықты әлеуметтік қорғау министрлігі.

Ресми деректерге сүйенсек, ел халқының әрбір бесіншісі, яғни 4,6 миллионнан астам азамат мемлекеттік қолдауға ие. Олардың басым бөлігін зейнеткерлер (2,5 млн адам) мен мемлекеттік жәрдемақы алушылар (2,1 млн адам) құрап отыр.