Apple iPhone 16-ны таныстырды: жаңа смартфон несімен таңғалдырды?

9 қыркүйекте Apple iPhone 16-ны таныстырды. Жаңа смартфонға мынадай өзгерістер енгізілді:

– AI функцияларын пайдалану үшін арнайы жасалған А18 процесорының арқасында iPhone 15-тен 30-%-ға қуаттырақ;

– камераны басқаруға арналған сенсорлы Camera Control батырмасы пайда болды;

– 5 түсте шығатын болады, жаңасы – ультрамарин түсті;

– дисплейі 6,1 және 6,7 дюйм өлшемде;

– Apple Intelligence (AI) функциялары келесі айдан бастап ағылшын тілінде бета режимінде қолжетімді болады: мәтін генерациясы, эмодзилер (Genmoji), суреттер, жетілдірілген Siri көмекшісі, суреттермен ақпарат іздеуге арналған Visual Intelligence.

–  камералар дәл бірінің үстіне бірі, iPhone X-тегідей орналасқан. Негізгі камера – 48 Мп, екіншісі – 12 Макротүсірілім пайда болды.

Сондай-ақ сағаттар мен құлаққаптар да жаңартылды. 

— Apple Watch Series 10 мүмкіндіктері: ұйқыдағы апноэ (қорыл) белгілерін анықтау, судағы белсенділікті, мысалы, снорклингті бақылау. Бұл – Apple-дің ең жұқа сағаты, басқа модельдерден 10%-ға жұқа. 30 минутта 100% қуаттап алуға болады. Екі түсте қолжетімді: қара алюминий және қызғылт алтын.

— Apple Watch Ultra сағаттары 20 қыркүйектен бастап қолжетімді болады, бағасы — $799-дан басталады.

— Жаңа AirPods: Шуды басу, айналадағы дыбыстарды өткізу және музыка тыңдап тұрған кезде сөйлей бастағанда дыбысты автоматты түрде төмендету сынды озық функциялар туралы айтылды.

— AirPods Max құны $599 болады және 20 қыркүйектен бастап қолжетімді.