Алматыда түнгі жол апатынан екі қыз қаза тапты

Алматыда 27 шілдеге қараған түні Рысқұлов даңғылында болған жол апатынан екі адам қаза тауып, тағы екі адам жараланды, деп хабарлады қалалық Полиция департаменті.

Жол апаты сағат 03:10 шамасында Рысқұлов даңғылы мен Шәріпов көшесінің қиылысында болған. Алдын ала мәлімет бойынша, Suzuki жүргізушісі кері бағытқа бұрылмақ болған кезде Mercedes көлігімен соқтығысқан.

Апат салдарынан Suzuki жүргізушісі мен оның бір жолаушысы оқиға орнында көз жұмды. Тағы бір жолаушы мен Mercedes жүргізушісі түрлі жарақатпен ауруханаға жеткізілді.

Екі адамның өліміне әкеп соққан жол апаты бойынша анықтау басқармасы қылмыстық іс қозғады. Қазір оқиғаның барлық мән-жайы анықталып жатыр.