Алматыдағы метро құрылысынан қаржы жымқырғандарға үкім шықты

Алматыдағы метро құрылысынан 5 миллиард теңге жымқырған 10 адамға үкім шықты.

Сот шешімімен Алматы метросының бұрынғы басшысы Ербол Әбілдиновқа 8 жыл бас бостандығынан айыру жазасы тағайындалды. 

Сондай-ақ Е.Абжаппар мен Е.Қапаев 8 жылға, Ж.Арисова мен Н.Арисов 7 жыл 6 айға, В.Хен 7 жылға сотталды. Ж.Арисованың 2023 жылы туылған сәбиінің болуына байланысты оған жазаны өтеу мерзімі 5 жылға кейінге қалдырылды. Қалған айыпталушылар - Қ.Бекмұхамбет пен А.Рахымжанов 2 жыл 9 айға, ал А.Хегай мен Н.Акишевке 1 жылға бас бостандығынан айыру жазасы тағайындалды.

Сот Е.Әбілдинов, Е.Абжаппар, Е.Қапаев, Ж.Арисова, Н.Арисов және В.Хеннің әрқайсысын 50 млн 893 мың теңге шығынды өтеуге міндеттеді.

Сонымен қатар, сот 1 млрд теңгеден астам сомаға тыйым салынған мүлікті тәркілеуді қолданып, мемлекетке келтірілген шығынды өндірді.