Алматыда жолақысы 120 теңге болады

Алматы қаласы депутаттары жолақысын 20%-ға, 100-ден 120 теңгеге көтеруге дауыс берді. Енді жаңа тарифті әкімдік бекітуі керек. 

Қалалық инфрақұрылым бөлімінің басшысы Сағындық Телібаевтың мәліметінше, бүгінде Алматыда 22 жеке және 1 коммуналдық автобус паркі бар. Күн сайын 2468 автобус пен троллейбус 1,5 миллион адам тасымалдайды.

«Алайда күнделікті кірістер тасымалдаушылардың барлық шығынын өтей алмайды, бұл мыналарға әкеліп соғады: жабдықтарды уақтылы жөндемеу, қосалқы бөлшектерді алудың кешігуі, маршруттардың жүйелілігінің бұзылуы, жүргізушілердің кетуі, тасымалдаушылардың өз шығындарын өзі жабуы, қаржы және саланы дамытуға мүмкіндіктердің жоқтығы», - деп түсіндірді ол.

Депутаттардың айтуынша, жаңа тариф маршруттардың жүйелілігін жақсартуға, техниканы уақтылы жөндеуге және жүргізушілер үшін жайлы жағдайларды қамтамасыз етуге, сондай-ақ 2024 жылы көлікті жақсартуға бағытталатын жергілікті бюджеттен 7 млрд теңгеге субсидияны қысқартуға мүмкіндік береді.