Алматыда жаңа туған сәбилерді алып, елден шықпақ болған шетелдіктер ұсталды

Әлеуметтік желілерде Алматы әуежайында суррогат аналардан туған сәбилермен елден шықпақ болған бірнеше шетел азаматы ұсталғаны туралы ақпарат тарады. Болжам бойынша, олар – ерлі-зайыпты шетелдік жұп.

Алматы қалалық полиция департаменті бұл оқиғаға қатысты түсініктеме берді.

«Аталған дерек бойынша Алматы қаласы полиция департаментінің тергеу басқармасы ҚР Қылмыстық кодексінің 135-бабы 1-бөлігі – кәмелетке толмағандарды саудаға салу бабы бойынша қылмыстық іс қозғады. Қылмыстық іс аясында барлық мән-жай толық, объективті және жан-жақты зерттелуі үшін Қылмыстық-процестік кодекстің 24-бабына сәйкес тергеу жүргізіліп жатыр», – делінген полицияның баспасөз хабарламасында.

Қазіргі уақытта істің барлық қатысушылары анықталып жатыр.