$ 461.39 € 534.75 ₽ 5.45

Алматыда тағы жарық өшеді: Бірақ бұл жолы жоспарлы түрде

Абдрахманов Мағжан
18 тамыз 2026, 11:53
Алматыда тағы жарық өшеді: Бірақ бұл жолы жоспарлы түрде Сурет авторы: depositphotos

Алматыда 21 тамызға дейін электр желілерін жоспарлы жөндеу жұмыстары жүргізіледі. Осыған байланысты қаланың бірқатар шағынауданы мен көшесінде электр қуаты уақытша өшіріледі. Жұмыстар негізінен сағат 08:00-ден 17:00-ге дейін, кей жерлерде 09:00-ден 17:00-ге дейін жалғасады.

18 тамызда Айгерім-1 шағынауданындағы Байтенов пен Сұлутөр көшелерінде, сондай-ақ Абай, Розыбакиев, Құрманғазы және Айманов көшелерінің жекелеген бөліктерінде жарық болмайды. Жөндеу Тастыбұлақ, Ақжар, Самал-2 шағынаудандарында және Достық даңғылы маңында да жүргізіледі.

19 тамызда жұмыс ауқымы кеңейеді. Айгерім-1, Түркістан, Шаңырақ-1, Ақжар, Таусамалы, Өжет, Рахат және Көк-Төбе аумақтарының бір бөлігі қамтылады. Сонымен қатар Жамбыл, Шағабутдинов, Бөгенбай батыр, Төле би, Тынышбаев, Волгоград, Розыбакиев, Байқадамов және басқа көшелерде электр қуаты уақытша өшіріледі.

20 тамызда Айгерім-2, Шаңырақ-1, Қарағайлы, Тастыбұлақ және Самал-1 шағынаудандарының кей бөлігінде жөндеу жүргізіледі. Қарасай батыр, Шевченко, Розыбакиев, Тынышбаев, Волгоград, Науаи, Бөгенбай батыр және Қастеев көшелерінің кей тұсында да жарық уақытша болмайды.

21 тамызда Айгерім, Байбесік, Алғабас, Самал-2 шағынаудандары мен Төле би, Тынышбаев, Волгоград, Науаи көшелерінің, Достық даңғылы мен Бұқар жырау бульварының кей бөлігінде электр желілері жөнделеді.

Нақты мекенжайлар мен жарық өшірілетін уақытты «Алатау Жарық Компаниясының» ресми кестесінен тексеруге болады.

Айта кетейік, бұл – жоспарлы жөндеу жұмыстары. 14 тамызда Алматы мен бірнеше өңірде болған жаппай жарық өшуіне қатысы жоқ.

#Жарық өшеді #Жарық кестесі #Блэкаут #Электр желісі

Соңғы жаңалықтар