Алматыда курьерлер мен мопедшілер қала тұрғындарын азаматтық ұстаным танытуға үндеді

Алматы қаласында Қазақстан Республикасы Құрылтайы депутаттарын сайлау қарсаңындағы ақпараттық науқанға қызмет көрсету және қалалық сервистер саласында еңбек етіп жүрген жастар белсенді түрде қосылуда. Мегаполис көшелерінде қызмет көрсететін курьерлер, мопедшілер және басқа да жас мамандар өз құрдастарын бейжай қалмай, елдің болашағы үшін саналы таңдау жасауға үндеді.

Аталған бастаманы алғашқылардың бірі болып қаладағы жастар мотоқоғамдастығының өкілдері қолдады. 200-ден астам жас мопедші тақырыптық бейнероликтер түсіруге қатысып, қала тұрғындарына үндеу жолдады. Олардың негізгі мақсаты - жеке іс-әрекет пен қоғамның ертеңгі күні үшін ортақ жауапкершілікті насихаттау.

Бұл бастамаға қалалық сервистер мен күнделікті логистика жүйесінде жүрген жас курьерлер де қосылды. Қатысушылар белсенді азаматтық ұстаным мен қоғамдық өмірге қатысу белгілі бір мамандыққа немесе әлеуметтік мәртебеге шектелмейтінін атап өтті. Қызмет көрсету, сауда саласының қызметкерлері, студенттер немесе жеке кәсіпкерлер болсын, барлық жастарды ортақ мақсат - ел өміріне бейжай қарамау біріктіреді.

Науқанға қатысушылар алматылық жастарды алдағы Құрылтай депутаттарын сайлауға қатысып, өз таңдауын жауапкершілікпен жасауға шақырды. Мұндай формат азаматтық жауапкершілік туралы тек ресми алаңдарда ғана емес, қала тұрғындары күнделікті өмірде кездесетін әлеуметтік топтардың өкілдері арқылы да жеткізуге мүмкіндік береді.