$ 469.52 € 553.75 ₽ 6.15

Алматыда «Арыстан» базарының заңсыз салынған бөлігін бұза бастады

Абдрахманов Мағжан
17 маусым 2025, 12:48
Алматыда «Арыстан» базарының заңсыз салынған бөлігін бұза бастады Сурет авторы: Алматының қала құрылысын бақылау басқармасы

Алматы қаласында орналасқан «Арыстан» базарының заңсыз салынған бөлігін сүру жұмыстары басталды. Бұл туралы Алматының қала құрылысын бақылау басқармасы хабарлады.

Ақсай-4 шағынауданында орналасқан сауда павильондарының жалпы ауданы 2000 шаршы метрден асады. Тексеру барысында базар аумағының бір бөлігі рұқсат беру құжаттарынсыз салынғаны анықталған.

– Меншік иесі – «Фирма Тигрохауд» ЖШС-ға қатысты әкімшілік шаралар қабылданды. Осыдан кейін басқарма заңсыз салынған нысанды сүру туралы талап арызбен сотқа жүгінді, – деп мәлімдеді ведомство өкілдері.

2024 жылдың көктемінде сот аталған аумақты бұзу туралы шешім шығарған. 2024 жылғы 19 шілдеде Алматы қалалық соты бұл шешімді өзгеріссіз қалдырды. Қазіргі уақытта сүру жұмыстары басталып кетті.

#Арыстан базары #Алматы #Тигрхауд #Сүру

Соңғы жаңалықтар