Алматы облысында бір үйден төрт адамның мәйіті табылды

Алматы облысының Сарыбастау ауылында жеке тұрғын үйден төрт адамның мәйіті табылды. Бұл туралы өңірлік төтенше жағдайлар департаментінің баспасөз қызметі хабарлады.

Оқиға туралы ақпарат 2 ақпанда түскен. Қайтыс болғандар Райымбек ауданы аумағындағы шаруа қожалығының территориясында орналасқан үйден анықталған.

«Жеке тұрғын үйден туысы төрт адамның мәйітін тапты. Оқиғаның мән-жайы анықталып жатыр. Өлім себептерін нақтылау үшін сот-медициналық сараптама тағайындалды», – делінген хабарламада.

Оқиға орнына полиция департаментінің қызметкерлері мен жергілікті атқарушы органдардың өкілдері барған. Қазіргі уақытта жағдайдың барлық мән-жайы анықталып жатыр.