Алматы кептеліспен қалай күресіп жатыр?

Алматы әкімі Дархан Сатыбалды Орталық коммуникациялар қызмет брифингінде мегаполистің көлік инфрақұрылымын дамыту жоспарын бөлісті.

Әкімнің айтуынша, 2026 жылы Алматыдағы «Қалқаман» жаңа метро станциясы пайдалануға беріледі, ал келесі үш жыл ішінде бірінші метро желісінің үшінші кезеңі Қалқаманнан Барлық базарына дейін толық аяқталады. Сонымен қатар, 2 және 3 метро желілерінің жобалары әзірленіп жатыр, сондай-ақ қоғамдық көлікке арналған жаңа BRT желілері құрылады.

— Осы жобаларды іске асыру нәтижесінде 2030 жылға қарай қоғамдық көлікпен жолаушылар ағыны 1,6 миллионнан 3 миллионға дейін артады, — деді Алматы әкімі Дархан Сатыбалды.

Сондай-ақ қалада 3 жаңа автобус паркі салынып жатыр, ал 2 автопарк қосымша құрылысы жоспарлануда. Барлық автопарктерде газ толтыру және зарядтау станциялары құрылады.

Жүргізушілердің қауіпсіздігі мен демалысын қамтамасыз ету мақсатында қоғамдық көліктің соңғы аялдамаларында 20 пункт жасалады. Сонымен қатар қала мен қаланың маңындағы аудандарды қосатын 3 транзиттік орталық ұйымдастырылады.

Әкім атап өткендей, алдағы жылдары Алматыда 55 км веложол салу және 1000 велосипед пен самокатқа арналған тұрақ орнату жоспарлануда.