Алматы әуежайының жаңа терминалы жолаушыларды қабылдап жатыр ма?

Танымал қазақстандық PR сарапшысы Әсел Қарауылова Алматы халықаралық әуежайының жақында ашылған жаңа терминалының әлі жұмысын бастамағанын хабарлады.

«Qatar Airways біздің рейсіміз жаңа терминалдан ұшатыны туралы электрондық хат жіберді. Біз әуежайға асыға бардық, бірақ шындық басқа - үлкен кезек, кептеліс және басқа да таныс қолайсыздықтары бар сол ескі терминал. Әдеттегідей әлі іске қосылмаған жаңа терминалдың салтанатты ашылуын өткіздік», - деп жазды Караулова әлеуметтік желідегі парақшасында.

Бұл жағдайға әуежайдың баспасөз қызметі түсініктеме берді. Олар халықаралық рейстердің біртіндеп ауыстырылатынын түсіндірді.

«Әуе компаниялары жолаушыларға рейстер мен хабарламалар туралы ақпарат жібереді. Осы оқиғаға қатысты түсініктеме алу үшін тікелей әуе компаниясына хабарласыңыз. Сондай-ақ, барлық халықаралық рейстерді қолданыстағы терминалдан жаңасына кезең-кезеңімен көшіру жоспарланып отырғанын хабарлаймыз. Халықаралық рейстерді жаңа терминалға толық ауыстыру маусым айының бірінші онкүндігінде жүзеге асырылады. Толық ауыстырылғаннан кейін ескі терминал ішкі рейстерге пайдаланылады», - деп хабарлады әуежайдың баспасөз қызметі.

Естеріңізге сала кетейік, жаңа әуежай терминалы 1 маусымда алғашқы рейстерін орындаған болатын.