Алматы әкімдігі құрылыс компанияларын лицензиядан айыра бастады

Алматы қаласының Қала құрылысы бақылау басқармасы «AsiaMax» жауапкершілігі шектеулі серіктестігін лицензиясынан айырды. Компания Әбіш Кекілбайұлы көшесіндегі көше кәріз жүйесін қайта жаңарту жұмыстарын жүргізіп жатқан болатын.

Әкімдіктің мәліметінше, шешімге бір емес, бірнеше себеп болған. Біріншіден, жұмыс мерзімі бірнеше рет кешіккен, екіншіден, жобалық талаптар мен құрылыс нормалары сақталмаған.

"Тұрғындар шағымданғаннан кейін тексеріс жүргізілді. Нәтижесінде ережебұзушылықтар анықталып, компанияға ескерту берілді. Кейін лицензиясы кері қайтарылды", – деп хабарлады қала әкімдігінің баспасөз қызметі.

Бұған дейін Алматы әкімі Дархан Сатыбалды құрылыс компанияларының жұмысына бірнеше рет сын айтып, мерзім мен сапаны бұзған мердігерлердің лицензиясынан айырылатынын ескерткен еді.

"Егер мердігер өз міндетін орындамаса, ол қала жобаларында жұмыс істеуге тиіс емес", – деген болатын әкім өткен аптада әлеуметтік нысандар мен жол инфрақұрылымын салып жатқан мердігерлермен өткен кеңесте.