Алимент төлемей жүргендердің көлігі тәркіленеді

Астанада алимент төлемей жүргендердің көлігі тәркіленіп жатыр. Бұл туралы Әділет министрлігінің баспасөз қызметі хабарлады.

4-5 наурызда қалалық әділет департаменті жеке сот орындаушылардың өңірлік палатасы және полицейлермен бірлесіп, «Борышкер» рейдін жүргізген.

"Осылайша, 857 мың 160 теңге, 1 млн 518 мың 626 теңге, 2 млн 483 мың 773 теңге, 2 млн 943 мың 979 теңге көлемінде алимент төлемей жүрген борышкерлердің 4 көлігі тәркіленіп, айыптұраққа қойылды. Жеке сот орындаушылары автокөліктерді бағалап, сатады", - деп жазылған Әділет министрлігі таратқан хабарламада.