Алаяқтар жаңа айла тапты: цифрлық теңге арқылы халықты алдау күшейді

Қазақстан Республикасының Ұлттық Банкі азаматтарды сандық теңгеге қатысты тарап жатқан жалған жарнамалар мен инвестициялық ұсыныстардан сақ болуға шақырады.

Соңғы уақытта әлеуметтік желілерде «сандық теңгеге негізделген мемлекеттік инвестициялық жоба» туралы ақпарат жиілеп кетті. Алаяқтар бұл жоба арқылы қысқа мерзімде жоғары табыс табуға болатынын айтып, Ұлттық Банктің қолдауына кепілдік беретіндерін алға тартуда.

Злоумышленниктер азаматтарды арнайы жасалған фишингтік сайттарға тартып, «шектеулі мүмкіндік» деген желеумен ақша салуға итермелейді. Бұл платформаларда жалған «жеке кабинет» құрылып, онда пайданың өсіп жатқаны туралы виртуалды цифрлар көрсетіледі. Осылайша, азаматтарды қайта-қайта ақша салуға сендіріп, соңында қаражаттарын иемденіп кетеді.

Ұлттық Банк сандық теңгенің инвестициялық құрал емес екенін және оның пайда табуға арналмағанын ресми түрде мәлімдейді. Сандық теңге - бұл тек төлем жүйесінің жаңа формасы.

Ұлттық Банк қызметкерлері:

• Жеке тұлғаларға аудио немесе видео қоңыраулар шалмайды;

• Жеке шоттарға қызмет көрсетпейді және ақшалай есеп айырысуларды жүргізбейді;

• Инвестициялық қорларға ақша салуды ұсынбайды;

• Қаражатты сақтандырумен айналыспайды.

Азаматтардан күмәнді сілтемелерге өтпеуді, белгісіз нөмірлерден келген қоңырауларға жауап бермеуді және қашықтан қол жеткізу бағдарламаларын орнатпауды сұраймыз. Сондай-ақ, дербес деректеріңізді, SMS-кодтарды және банк картасының деректерін үшінші тұлғаларға ешқашан хабарламаңыз.

Кез келген ақпаратты тек Ұлттық Банктің ресми сайтынан (nationalbank.kz) тексеру қажет.