Алаяқ әйел балабақша іздеген ата-аналарды тақырға отырғызды

Алматылық әйел өзін делдал ретінде таныстырып, 2ГИС қосымшасындағы пікірлер арқылы балабақшаға орын іздеген ата-аналармен байланысқа шыққан. Ол «Indigo24.kz» жүйесі арқылы көмектесемін деп уәде беріп, 30-дан астам адамның ақшасын иемденіп, кейін ізін жасырған.

Келтірілген шығын көлемі 1 миллион теңгеден асты. Сотта ол кінәсін мойындап, ақшаның бір бөлігін қайтарды. Жеңілдететін мән-жайлар ескеріліп, оған 4 жылға пробациялық бақылаумен бостандығын шектеу жазасы тағайындалды.

Үкім заңды күшіне енді.