«Ақтөбе» — «Спарта» 2:1: Еурокубоктегі тарихи жеңіс пен даулы пенальти

24 шілде күні UEFA Конференциялар лигасы аясында өткен алғашқы іріктеу матчында «Ақтөбе» өз алаңында Чехия клубы «Спарта Прагадан» айласын асырды - 2:1. Бірақ матчтың соңына қарай төреші белгілеген даулы пенальти қызу талқыға түсті.

⚽ Голдар реті:
29’ — Хосе Соса алыстан бағыттаған соққымен есеп ашты — 1:0;
83’ — Еркебұлан Өміртаев айып алаңында қарымта шабуылды сәтті аяқтады — 2:0;
90’ — Бирманчевич 11 метрлік айып добынан мүлт кетпей, есепті қысқартты — 2:1.

Ойынның негізгі уақыты аяқталуға жақын қалған сәтте төреші күтпеген жерден «Ақтөбе» қақпасына пенальти белгіледі. Негізінен қорғаушының қарсыласқа тиіспегені жайлы видеоқайталаудан көрінді. VAR жүйесі болмағандықтан, шешім қайта қаралмады. Төрешінің бұл шешімі ойынның соңғы бөлігін шиеленістіріп жіберді. Чехиялық команда есепті қысқартып үлгергенімен, «Ақтөбе» жеңісін сақтап қала алды.

«Мұндай қателікті 1000 төрешінің біреуі де бәлкім жасамас еді. Бірақ норвегиялықтың қолынан бұл іс келді», - деді спорт комментаторы Әлімжан Асқар.

Прагада өтетін қарымта кездесуде «Ақтөбеге» тең нәтиже де жеткілікті. Бірақ төрешілікке қатысты мәселелер қайталанса, бұл ойынның тағдырын тағы да сыртқы фактор шешуі мүмкін.

Автор: Әмір Жәнібек