Ақтаудағы ұшақ апаты: қаза тапқан қазақстандықтардың отбасы мен зардап шеккендерге қандай көмек көрсетіледі?

Ақтаудағы ұшақ апатында қаза тапқандардың отбасылары мен зардап шеккендерге түрлі көмек көрсетілетіні белгілі болды.

Еңбек және халықты әлеуметтік қорғау бірінші вице-министрі Ақмәди Сарбасовтың айтуынша, апаттан қаза тапқандардың отбасы мүшелеріне республикалық бюджеттен ай сайын шамамен 138 мың теңге, ал Мемлекеттік әлеуметтік сақтандыру қорынан 357 мың теңге көлемінде көмек беріледі. Бұдан бөлек, қаза тапқан әр адамның отбасы шамамен 5 миллион теңге көлемінде бір реттік көмек алады.

Azerbaijan Airlines әуе компаниясы апаттан зардап шеккендерге 20 мың манат (шамамен 6 миллион теңге), ал қаза тапқандардың отбасыларына 40 мың манат (шамамен 12 миллион теңге) көлемінде өтемақы төлеуді жоспарлап отыр.