АҚШ-тың Қазақстандағы елшісі отставкаға кететінін мәлімдеді

АҚШ-тың Қазақстандағы елшісі Дэниел Розенблюм 2025 жылғы 20 қаңтарда өз қызметінен кетіп, АҚШ Мемлекеттік департаментіндегі 28 жылға жуық мансабын аяқтайтынын мәлімдеді. Бұл туралы АҚШ-тың Қазақстандағы елшілігі мен консулдығының баспасөз қызметі хабарлады.

Розенблюм 2022 жылдың қарашасынан бастап елшілік қызметін атқарып келді. Өзінің мансабында ол бес президенттік әкімшілікте және сегіз мемлекеттік хатшының тұсында қызмет етті. Оның айтуынша, бұл шешімді қабылдау оңай болмаған, бірақ ол Қазақстанда қызмет ету мүмкіндігі үшін алғыс білдірді.

Елші кеткеннен кейін елшілік басшылығы уақытша миссия басшысының орынбасары Дебора Робинсонға, сондай-ақ Алматыдағы бас консул Мишель Еркинге жүктеледі. Жаңа елші тағайындалғанға дейін олар елшілік қызметін жалғастырады.

«Қазақстанда АҚШ елшісі болу – мен үшін үлкен құрмет. Мен қазақ халқын жақынырақ танып, елдің барлық аймағын аралап, оның бірегей тарихымен тереңірек танысқаныма қуаныштымын. Бұл қызмет барысында Қазақстанның мәдениеті мен дәстүрлеріне деген үлкен құрмет қалыптасты», – деді Розенблюм.

Сондай-ақ ол елшіліктің Астана мен Алматыдағы білікті командасы алға қойған мақсаттарды табысты жүзеге асыратынына сенім білдірді.