АҚШ-та Қазақстан азаматы ұсталды: СІМ жағдайды бақылап отыр

Қазақстанның Сыртқы істер министрлігі АҚШ аумағында Қазақстан азаматы Еламан Балтагерей ұсталуына қатысты жағдайға пікір білдірді. Ведомство бұл деректен хабардар екенін және жағдайды бақылауда ұстап отырғанын мәлімдеді.

Министрліктің баспасөз қызметінің хабарлауынша, қазіргі уақытта оқиғаға байланысты тексеру жүргізіліп, барлық мән-жай анықталып жатыр. Қосымша ақпарат ресми мәліметтер түскеннен кейін жарияланатыны айтылды.

Айта кетейік, АҚШ-тың Көші-қон және кеден бақылау қызметі (ICE) федералдық органдардың қолдауымен оны 5 маусым күні ұстаған. Оған терроризмге қатысы бар деген күдік тағылғаны хабарланды.

Сонымен қатар оның АҚШ-та заңсыз жүргені белгілі болып, 2025 жылдың жазында көші-қон соты елден шығару туралы шешім шығарған. Алайда ол сот отырысына қатыспаған. Қазір АҚШ тарапынан оны мәжбүрлі түрде депортациялау мәселесі қарастырылып жатыр.